Бұл туралы Мемлекет басшысы Қасым-Жомарт Тоқаевтың қатысуымен Мәжілістің жалпы отырысында айтты, деп хабарлайды BAQ.KZ тілшісі.
Үкімет пен Парламент экономиканы дамытып, халықтың әл-ауқатын арттыру үшін барлық күш-жігерін жұмылдыруға тиіс. Біз аз уақыттың ішінде ауқымды саяси реформа жүргіздік. Түбегейлі өзгерістер еліміздің жаңа дәуірге қадам басуына жол ашты, - деді Тоқаев.
Мемлекет басшысы бұл жұмыс жалғаса беретініне баса назар аударды.
Бірақ экономикалық өзгерістер саяси жаңғыру үдерісінен кенже қалмауы керек. Сондықтан Үкімет әлеуметтік-экономикалық реформаларды батыл жүзеге асыруға тиіс. Бұл – өте жауапты жұмыс. Азаматтарымыз Үкіметке зор үміт артады, жоғары талап қояды. Ел сенімін ақтау – бәрімізге сын, - деді Қасым-Жомарт Тоқаев.
Президент кеше Парламент сессиясының ашылуында нақты міндеттерге тоқталғанын еске салды.
