Ресей футбол құрамасы Еуро-2024 іріктеу кезеңінің жеребесіне қатыспайды, деп хабарлайды BAQ.KZ.
Ресей футбол құрамасы 2024 жылғы Еуропа чемпионатының іріктеу турнирінің жеребесіне қатыспайды.
Мұның себебі — УЕФА-ның ақпан айындағы Ресей құрамалары мен клубтарының ұйымның қолдауымен өтетін жарыстарды тоқтата тұру туралы шешімі, яғни "ескертілгенге дейін" , - делінген баспасөз хабарламасында.
Rsport.ria.ru сайтының мәліметінше, Ресей футбол одағы бұл шешімге Лозаннадағы спорт төрелік сотында қарсы шықты, бірақ ол шағымды қанағаттандырмады.
Іріктеу турнирінің жеребесі 9 қазанда Германияның Франкфурт-на-Майне қаласында өтеді. Еуропа чемпионаты 2024 жылдың 14 маусымы мен 14 шілдесі аралығында Германияда өтеді.
