Бұл туралы ТЖМ сайты жазды, деп хабарлайды BAQ.KZ.
Алматы облысы Талғар ауданының Бесағаш ауылында жеке теннис клубының аумағында әкімшілік ғимарат, тенттен жасалған каркасты құрылыс, теннис кортының жабыны мен үрлемелі күмбез жанды. Өрт сөндірушілер келген кезде ашық жану орын алып, көрші үйге және жақын орналасқан теннис кортына өрттің таралу қаупі болды.
Қабылданған шаралардың арқасында өрт сөндірушілер жанында тұрған теннис корты мен жеке тұрғын үйді өрттен қорғап қалды. Жалпы ауданы 1000 ш.м. астам алаңдағы өрт сөндірілді. Зардап шеккендер жоқ. Өрттің себебі анықталуда.
