ТЖМ құтқарушылары пәтерлерде қамалып қалған жас балалардың ата-аналарына көмекке келді, деп хабарлайды BAQ.KZ.
Бірінші жағдай елордада болып, көпқабатты үйлердің бірінде балалар қамалып, анасы дүкеннен келген кезде есікті өз бетінше аша алмады. Жедел-құтқару жасағының қызметкерлері альпинистік жабдықтың көмегімен жоғарғы қабаттан түсіп, балкон арқылы кіріп, пәтердің есігін іштен ашты.
Екінші жағдай Ұлытау облысының Сәтбаев қаласында орын алып, онда көппәтерлі үйлердің бірінде сәби құлыптаулы пәтердің ішінде жалғыз қалды. Өрт сөндірушілер балконға өрт сатысының көмегімен кіріп, ата-анасын үйге кіргізді, - деп жазды ТЖМ.
