ТЖМ қызметкерлері 7 шетел азаматын құтқарды.
Ақтөбе облысы Хромтау қаласынан 20 шақырым жерде «Донское-Бадамша» автожолының 27 шақырымында минивен қар үйіндісіне тұрып қалып, қозғалысын жалғастыра алмады. Жүргізуші 112 нөміріне хабарласты.
Құтқарушылар оқиға орнына барып, жоғары өтімді техниканың көмегімен ішінде 7 Тәжікстан азаматы бар көлікті сүйреп шығарды. Медициналық көмекке ешкім мұқтаж болған жоқ.
Шетел азаматтары Қазақстан құтқарушыларына өз алғыстарын білдіруде.
