Тынық мұхитында қуатты жер сілкінісі тіркелді
Жапония жағалауындағы халық тығыз қоныстанған аумаққа жақын жерде тереңде болған жер сілкінісі тіркелді.
25 Қазан 2026, 23:38
116
Фото: unsplash.com
Тынық мұхитындағы Огасавара аралдары маңында магнитудасы 7,0 болатын қуатты жер сілкінісі болды. Бұл туралы «Синьхуа» агенттігі Жапония метеорологиялық басқармасына сілтеме жасап хабарлады.
Жер асты дүмпулері жексенбі күні жергілікті уақыт бойынша сағат 11:10 шамасында аралдар тобынан батысқа қарай тіркелген. Мамандардың мәліметінше, жер сілкінісінің эпицентрі солтүстік ендіктің 28 градусы мен шығыс бойлықтың 139,9 градусы аралығында орналасқан.
Жерасты дүмпуінің ошағы шамамен 470 шақырым тереңдікте болған.
Жапонияның метеорологиялық басқармасының хабарлауынша, жер сілкінісінен кейін цунами қаупі жарияланған жоқ.
Ең оқылған:
- Ғазиз Байтасов атындағы алғашқы медаль батырдың жұбайына табысталды
- Қазақстанда азық-түлік бағасы екінші ай қатарынан төмендеп келеді
- Астаналық жастар Республика күніне орай әуежайда шетелдік қонақтарға арнап мерекелік акция ұйымдастырды
- Қазақстан құрамасы Азия пара ойындарын 50 медальмен аяқтады
- Елордада Республика күніне орай ауқымды экологиялық акция өтті