Түркияның бірнеше қаласында болған зілзаладан кейін түркия халқы кеше «Түркия бір жүрек» қайырымдылық шарасын өткізді, деп хабарлайды BAQ.KZ.
Қайырымдылық шарасын бір мезгілде 213 ұлттық және халықаралық телеарналар мен 562 радиостанциясы тікелей эфирде көрсеткен. 7 сағатқа созылған шара барысында ресми қайырымдылық қорына 115 млрд лира (2 триллион 875 млн тг) қаржы жиналған.
Сондай-ақ, отандасымыз "Ахыска" республикалық түрік этномəдени бірлестігінің төрағасы Зияддин Хасанов 1 млн доллар қайырымдылыққа жұмсаған.
Еске салайық, магнитудасы 7,8-ге дейінгі ірі жер сілкінісі 6 ақпанда басталған еді.
