Түркістанда Төлеби ауданы, Қасқасу ауылдық округінде спорт және өнер кешені пайдалануға берілді, деп хабарлайды BAQ.KZ.
Бұл нысанды Керегетас елді мекенінің тумасы, жеке кәсіпкер өз қаражаты есебінен салып берген.
Спорт кешенінде спорт залы, жабық футбол алаңы, киім ауыстыратын бөлмелер мен душ бөлмелері және үйірмелерге арнайы бөлмелер қарастырылған. Мұнда жылдың төрт мезгілінде де спортпен шұғылдануға мүмкіндік бар.
