Түркістан облысында жанармай құю станциясында болған жарылыс салдарынан екі адам қаза тауып, үшеуі жарақат алды , деп хабарлайды BAQ.KZ.
Облыстық Төтенше жағдайлар департаментінің мәліметінше, оқиға кеше болған.
21 наурыз күні сағат 16:30-да Түркістан облысы Төтенше жағдайлар департаментінің «112» жедел-құтқару жасағына Шардара ауданындағы Жаушықұм ауылындағы газ толтыру стансасында газ сорғысының жарылғаны туралы хабарлама келіп түсті, - деп жазылған ТЖМ хабарламасында.
Құтқарушылар жарылыс автомобильдің жанармай құю бекетіне соқтығысуынан кейін болғанын анықтады.
Зақымдану салдарынан резервуардан газ ағып, кейін газ-ауа қоспасының тұтануы орын алған. Өрт жақын жерде тұрған көлікке тарады. Кейін өрт сөндірушілер өртті толығымен сөндірді.
Оқиға салдарынан екі адам оқиға орнында қаза тапты, үшеуі күйік алды, - деп түсіндірді департаменттің баспасөз қызметі.
0
0
0
0
0
