15 желтоқсанда Түркістан және Жамбыл облыстарында ауа райының нашарлауына байланысты республикалық маңызы бар екі автожолда көлік қозғалысына шектеу енгізіледі, деп хабарлайды BAQ.KZ.
Ауа райының бұзылуына байланысты келесі республикалық автожолдарда көлік қозғалысына шектеу қою жоспарланып отыр:
Түркістан облысы:
2024 жылғы 15 желтоқсанда сағат 12:00-де республикалық маңызы бар "Алматы-Ташкент-Термез" автожолының 593-620 шақырым аралығында (Жамбыл облысының шекарасынан Тұрар Рысқұлов ауылына дейін) жүк көліктерінің қозғалысына.
Жамбыл облысы:
2024 жылғы 15 желтоқсан сағат 17:00-де республикалық маңызы бар “Алматы-Ташкент-Термез” автожолының 534-593 шақырым аралығында (Айша бибі ауылынан Түркістан облысының шекарасына дейін) жүк көліктерінің қозғалысына.
1403 байланыс орталығына хабарласып, тәулік бойы қосымша ақпарат алуға болады.
