2024 жылғы 4 шілдеде "Іле-Алатау мемлекеттік ұлттық табиғи паркі" РММ саябақ аумағына келіп демалушылар мен туристерге енгізілген шектеулерге байланысты жүгінді, деп хабарлайды BAQ.KZ.
Түрген – Батан ауылы – Асы обсерваториясы (7-26 км) тас жолында ағымдағы жылдың сел жүру қаупі бар кезеңінде орын алуы ықтимал төтенше жағдайлардың алдын алу мақсатында, сондай-ақ Түрген өзенінің бассейнінде, атап айтқанда №2 және №5 мореналық көлдерде су тасу қаупі төнген жағдайда ұлттық парк шектеулер енгізеді.
2024 жылғы 3 шілдеден бастап ерекше өкім берілгенге дейін Іле-Алатау МҰТП-ның Түрген филиалындағы экологиялық бекет арқылы сел жүру қаупіне байланысты автокөліктер, демалушылар мен туристер жіберілмейді. Бұл шешім "Қазселденқорғау" ММ АТЭТО-ның Есіктегі филиалының келісімі бойынша қабылданды және ол азаматтардың қауіпсіздігін қамтамасыз етуге бағытталған, – деп жазды "Іле-Алатау мемлекеттік ұлттық табиғи паркі" РММ.
Тек мүдделі мемлекеттік қызметтердің қатынауына рұқсат етіледі.
Баршадан осы шараға түсіністікпен қарауды және белгіленген шектеулерді сақтауды сұраймыз. Сіздің әріптестігіңіз бен осы ережелерді сақтауыңыз ықтимал төтенше жағдайлардың алдын алуға және қауіпсіздікті сақтауға көмектеседі, - деп мәлімдеді "Іле-Алатау мемлекеттік ұлттық табиғи паркі" РММ-інен.
