Украиналық БАҚ-тың хабарлауынша, Трамп пен Зеленскийдің қатысуымен өткен баспасөз мәслихатында сөз қақтығыстары орын алды. Екі тарап жоғары тонмен дауыс көтеріп, мәмілеге келер емес, деп хабарлайды BAQ.KZ.
Дау Украина басшысы Киевтің атысты тоқтатуға дайын еместігін және Вашингтонның қауіпсіздік кепілдігін қажет ететінін мәлімдегеннен кейін басталды.
Жауап ретінде Трамп Зеленскийге АҚШ-ты "құрметтемейтінін" және "Американың өзін қалай сезінетінін сұрауға" құқығы жоқ екенін айтты.
Ол сондай-ақ Киев бітімге келу кезінде «ымыраға келуге» мәжбүр болатынын, ал егер Украина билігі келісімнен бас тартса, АҚШ оған араласпайтынын айтты.
Сіз бізге: "Мен мынаны қалаймын, ананы қалаймын" деп айта алмайсыз. Бізсіз қолыңызда карта жоқ, бізге алғыс айту керек. Біз сізге 350 миллиард бердік. "Соғысты тоқтатқым келмейді" деп айта алмайсың. Не біз бұл келісімді жасаймыз, не сіз одан құтыласыз. Шүкіршілік етпейсің, – деді Трамп.
Оған жауап ретінде Зеленский де қатқыл сөйлеген.
Мен мұнда карта ойнау үшін келген жоқпын, - деп жауап берген Зеленский Макрон мен Меркельдің қатысуымен Путинмен келісімге қол қойғанын айтты.
