АҚШ президенті Дональд Трамп пен Ресей президенті Владимир Путиннің 2,5 сағатқа созылған телефонмен сөйлесуінде екі тарап нені талқылағаны белгілі болды, деп хабарлайды BAQ.KZ.
Ресейдің мемлекеттік думасы таратқан мәліметке сәйкес, тараптар бірнеше мәселені алға қойған.
Мәскеу еркін ерік ишарасын жасап, Украинаға УҚК 35 ауыр жараланған әскерін береді. Сондай-ақ Путин 30 күн бойы Украинадағы электр станциясын атқылауды тоқтату туралы бұйрық берді. Тараптар уақытша ымыраны талқылады, алайда соңғы келісімге әлі қол жеткізілген жоқ.
Сондай-ақ Путин Трампқа татуласқан жағдайда Украинаның мобилизация мен УҚК қайта қаруландыруын тоқтату қажеттігін айтты.
Сонымен қоса тараптар хоккейден бірлескен матч өткізу туралы келісім жасасты.
Осы орайда Ақ үй келіссөзді қорытындылай отырып, Ресей мен АҚШ арасындағы қарым-қатынасты дамыту әлдебір "үлкен әлеуетке" жол ашатынын атап өтті.
Президент Трамптың әкімшілігі екіжақты байланысты нығайту "ірі экономикалық келісімдер" мен әлемдегі тұрақтылықтың күшейтуіне жол ашады деп отыр.
Одан соң Трамптың баспасөз хатшысы ресми мәлімдеме жасап, "Украинадағы шиеленіс баяғыда тоқтауы тиістігін" жазды.
Еске салайық, Мемлекет басшысы Қасым-Жомарт Тоқаев Путин мен Трамптың Украина бойынша келіссөзінің қорытындысын құптайтынын мәлімдеді.
