Трамп әлемге үшінші дүниежүзілік соғыс қаупі төніп тұрғанын айтты

АҚШ-тың экс-президенті Дональд Трамп үшінші дүниежүзілік соғыс басталуы мүмкін екенін айтты. Бұл туралы ол Fox News арнасына берген сұхбатында мәлімдеді, деп жазады BAQ.KZ.

Трамп үшінші дүниежүзілік соғыс қаупі туралы айтып, АҚШ билігінің дәрменсіздігі жаңа қақтығысқа апаратын баса айтты. Оның пікірінше, қазір адамзат тарихтағы ең қауіпті кезеңде өмір сүріп жатыр.

Қарулануға байланысты қазіргі таңда ел тарихында және әлемде ең қауіпті кезең. Ал біздің басшылығымызда біліксіз адамдар отыр, - деп қорытындылады сөзін АҚШ-тың экс-президенті.

Бұған дейін Трамп 9 сәуірде «үшінші дүниежүзілік соғыс» туралы жазып, жаһандық қақтығыстың басталғанын айтқан болатын.