Абай облысындағы өрттерден кейін төтенше жағдайлар вице-министрі Марат Көлдіков отставкаға кетуге өтініш білдірді, деп хабарлайды BAQ.KZ.
ҚР Төтенше жағдайлар министрлігінің баспасөз қызметі Марат Көлдіков өз еркімен қызметтен кету туралы баянат жазғанын мәлімдеді.
Вице-министр Марат Күлдіков өз еркімен жұмыстан босату туралы хаттама жазғанын растаймыз. Қазіргі уақытта оны жұмыстан босатуды келісу рәсімі жүргізіліп жатыр, - деді Төтенше жағдайлар министрлігінің баспасөз қызметі өкілдері.
Айта кетейік, президент Қасым-Жомарт Тоқаев маусымның басында ірі орман өрті болған Абай облысындағы жедел штаб отырысында вице-министр Марат Күлдіковтің баяндамасын үзген болатын. Президент уәкiлеттi органдардың оқиғаға қалай әрекет етуiне және олардың төтенше жағдайдағы iс-әрекеттерiне қатты наразылығын бiлдiрдi.
Мен қызметінен босатқан министр өзінің тікелей қызметтік міндетін орындауға неге мүлдем немқұрайды қарайды? 14 адам қаза тапты. Сіз осыны түсінесіз бе? Мен олардың отбасыларымен кездестім. Бұл азаматтар өз отбасының перзенттері, отағасы болатын. Бір отбасында екі жасар бала жетім қалды. Адамдардың артында несиелері қалды. Олар отбасының жалғыз асыраушысы еді, - деді сол кезде Тоқаев.
