Мемлекет басшысы Түркия Ұлттық қорғаныс министрі Яшар Гюлерді қабылдады, деп хабарлайды BAQ.KZ.
Қасым-Жомарт Тоқаев Қазақстан мен Түркия арасындағы қарым-қатынас екіжақты және көпжақты күн тәртібінің барлық бағыты бойынша қарқынды дамып келе жатқанын атап өтті.
![Тоқаев Түркия Ұлттық қорғаныс министрін қабылдады](/userfiles/images/photo_5408975327914484794_y.jpg)
Президент әріптесі Режеп Тайип Ердоғанға ізгі тілегін жолдап, екі елдің стратегиялық ынтымақтастығы мен серіктестігін одан әрі нығайтудың маңызды екеніне назар аударды.
Яшар Гюлер атажұртта көрсетілген сый-құрмет үшін алғыс айтып, Түркияның Қазақстанмен өзара сенім және қолдау рухындағы байланыстарды одан әрі тереңдетуге ниетті екенін растады Ол еліміздің бірқатар өңірлік және халықаралық түйткілді шешуге бағытталған күш-жігерін жоғары бағалады.
![Тоқаев Түркия Ұлттық қорғаныс министрін қабылдады](/userfiles/images/photo_5408975327914484796_y.jpg)
Сонымен қатар әңгімелесу барысында екі елдің қауіпсіздік саласындағы ынтымақтастық мәселесі қарастырылды.