«Құлсары-Ақтау» автожолы бойынша қозғалыс қайта басталғаннан кейін 10 күн ішінде «Құрық порты» паром кешені арқылы ТХКМ бойынша 840 жүк автокөлігін тасымалдау қамтамасыз етілді, деп хабарлайды BAQ.KZ.
Айта кетерлігі, су тасқыны жағдайына байланысты Қазақстанның батыс өңірлерінде халықаралық автомобиль жолдарында қозғалысты уақытша шектеу енгізілген болатын.
Биыл 14 сәуірде су тасқыны жағдайының тұрақтануына байланысты шектеу алынып тасталып, нәтижесінде Құрық портына қарай жүк автокөліктерінің үлкен ағыны байқалды.
Алайда, порт пен Әзербайжанның ASCO кеме қатынасы компаниясының үйлесімді бірлескен жұмысының арқасында портта ұйымдастыру шаралары уақтылы қабылданып, кептеліс пен тоқтап қалуға жол берілмеді.
25 сәуір сағат 7.00-дегі жағдай бойынша Құрық портында Алят (Баку) портына жөнелтуді күтіп тұрған 78 жүк көлігі бар.
