Таразда «SmartСот» жобасы өзінің тиімділігін көрсетіп отыр
<p> Астана, BAQ.KZ. Тараз қаласының Мамандандырылған әкімшілік соты істерді электрондық форматта қарау практикасына жоспарлы түрде көшуде. </p> <p> Жамбыл облыстық сотының баспасөз қызметінің мәліметінше смартфонда жүктелген «TrueConf» ұялы қосымшасы арқылы скайп-камералармен онлайн түрде қосылудың мүмкіндіктері кеңеюде. </p> <p> 2018 жылы облыстың соттарына 7 242 әкімшілік іс жіберіліп, оның ішінде 383 азаматтық және 348 әкімшілік іс бойынша «TrueConf» қосымшасының мүмкіндіктері пайдаланылған. </p> <p> Сонымен қатар істерді электрондық форматта қарау бюджеттік қаражаттарды едәуір үнемдеп, ведомстволық мұрағаттардың жүктемесін айтарлықтай азайтатынын көрсетіп отыр. </p> <p> Осылайша, «SmartСот» жаңа ақпараттық технологияны қолдану жолымен сот талқылауын қашықтықтан жүргізуге мүмкіндік беріп отыр. </p> <p> </p>
17 Қаңтар 2019 2019, 15:39
2303
