2025 жылғы 15 ақпанда «102» пультіне сауда орталығына жарылғыш зат қойылғаны туралы хабарлама келіп түсті, деп хабарлайды BAQ.KZ.
Жамбыл облысы Полиция департаментінің, ҰҚК және ТЖД қызметкерлері арнайы жедел әрекет ету жасағының, жедел-тергеу тобының және кинологтардың қатысуымен орталық ғимаратына жедел тексеру жүргізді.
Тексеру нәтижесінде ешқандай жарылғыш зат табылған жоқ.
Ғимараттан сауда дүкендерінің иелері мен орталыққа келушілер бар 2 мыңға жуық адам эвакуацияланды.
Қызметкерлер мен келушілер эвакуациялануда. Бұл оқиға бойынша сотқа дейінгі тергеу амалдары басталды. Жамбыл облысының полиция департаменті алдағы лаңкестік актісі туралы көрінеу жалған хабарлама жасағаны үшін ҚР Қылмыстық кодексінің 273-бабы бойынша қылмыстық жауапкершілікке тартылатынын еске салады, - деді облыстық полиция департаментінің баспасөз қызметі.
