Алматыда хайуанаттар бағы тірі шыршаларды қабылдау науқаны басталғанын мәлімдеді, деп хабарлайды Алматыдағы BAQ.KZ тілшісі.
Қабылдау Алматы зоологиялық саябағының қызметтік кіреберісінде жүргізіледі.
Жаңа жыл мерекесі аяқталды. Біз пайдаланылған жасыл шыршаларды қабылдау акциясын бастаймыз. Зообағымызда бұл шыршалар жануарлар қоршауындағы табиғи ортаны толықтыратын болады. Қабылданған шыршалар бұғы, елік, қодас, харзалардың, тағы басқа жануарлардың қоршауларына орналастырылады. Жануарлар өз аумақтарындағы жаңа затқа ерекше қызығушылық танытады. Олар қоршауларына әкелінген шыршаны тартқылап, иісін танып, дәмін көріп, одан секіріп, бұтақтары мен қабығын тістелеп ойнайды, - деді Алматыда хайуанаттар бағының баспасөз қызметі.
Осылайша, жануарларымыздың қалыпты тіршілігіне жаңа серпін беріледі.
