Нұр-Сұлтан, BAQ.KZ. Түркістан қаласындағы қаладағы қоғамдық көліктердің қатары жыл басынан бері 16 автобуспен толықты, олардың қатарына жуырда «Yutong» маркалы 5 автобус қосылды. Бұл туралы облыс әкімдігінің баспасөз қызметінен хабарлады.
Автобустардың барлығы бірыңғай жасыл түспен боялған. Онда Түркістан қаласының логотипі белгіленген. Ұзындығы 8,5 метр. Сыйымдылығы 28 орындық, қосымша 30 адамды мінгізуге қауқарлы. Автобус ішінде жарнамалық экран мен желдеткіш қойылған.
Қоғамдық көлікте пайдаланушыларға ыңғайлы болу үшін әрбір аялдама арнайы жүйе арқылы хабарланып отыратын болады. Тіпті, алдағы жылдарда жол ақысын төлеуді цифрландыру ісі жүзеге аспақ. Ал, мүмкіндігі шектеулі жандарға жағдай жасау үшін артқы есігіне пандус қоюды да қарастыруда.
Жаңа автобустар жуырда қала ішіндегі №5, №7, №30, №31 бағыттарында жолаушыларды тасымалдайтын болады.
