Сыбайлас жемқорлық фактісімен бетпе-бет келгенде қайда жүгіну керек?

Сыбайлас жемқорлық фактісіне тап болғанда немесе сыбайлас жемқорлық көріністерінің құрбаны болғанда Сыбайлас жемқорлыққа қарсы қызметке жүгіну керегін хабарлайды BAQ.KZ. 

Ондай жағдайда жапа шегуші немесе куәгер тұрғылықты жері бойынша аумақтық департаментке жазбаша жүгіне алады және Egov порталы арқылы онлайн түрде де шағым түсіре алады. Сондай-ақ сыбайлас жемқорлыққа қарсы қызметтің 1424 бірыңғай call-орталығына қоңырау шалу арқылы хабарлауға болады. Call-орталыққа хабарласу тегін. 

Айта кетейік, тиісті органға сыбайлас жемқорлық құқықбұзушылық фактісі туралы жалған ақпарат беру әкімшілік құқықбұзушылық болып саналады және айыппұл да салынуы мүмкін.