Қазақстанда сүт өнімдерінің өндірісі бір жылда 1,2% өсті, деп хабарлайды BAQ.KZ.
Energyprom.kz-тің мәліметінше, әр түрлі өнім топтарының динамикасы әр түрлі өзгерді. Мәселен, 2023 жылдың қаңтар-ақпан айларында өңделген сұйық сүт пен кілегей өндірісі 97,3 мың тоннаны құрады, бұл өткен жылдың сәйкес кезеңімен салыстырғанда 2,2% артық. Сары май мен спред өндірісі де бірден 29,6% өсіп, 4,5 мың тоннаны құрады. Бұл ретте ірімшік пен сүзбе өндірісі, керісінше 1,7% төмендеп, 5,8 мың тоннаны құрады. Қатты күйдегі сүт өндірісі де қысқарды және бірден 2,3 есе, 509 тоннаға дейін, йогурт, қоюландырылған сүт және басқа да сияқты сүт өнімдері өндірісі де (1,3%, 40,9 мың тоннаға дейін) азайды.
2022 жылғы қаңтар–желтоқсанда 573,3 мың тонна өңделген сұйық сүт пен кілегей өндірілді, бұл 2021 жылдың сәйкес кезеңімен салыстырғанда 6,2% аз. Сары май мен спред өндірісі 24,9 мың тонна, бір жыл бұрынғыдан 8,6% аз; ірімшік пен сүзбе — 36,8 мың тонна, 0,5% аз өндірілсе, қатты күйдегі сүт өндірісі 18,3%, 8,1 мың тоннаға дейін өсті. 2022 жылғы қаңтар–желтоқсанда басқа сүт өнімдері өндірісі 3,9%, 253 мың тоннаға дейін төмендеді, - делінген хабарламада.
2022 жылғы қаңтар–желтоқсанда ҚР-да сүт және сүт өнімдерін тұтынудың орташа мөлшері жан басына шаққанда 226 килоны құрады, бұл 2021 жылмен салыстырғанда 7,1% аз.
Сүт пен сүт өнімдерін көп тұтынатын өңір Ақмола облысы: мұнда тұтыну жылына жан басына шаққанда 267,1 килоны құрады. Одан кейінгі орында Астана мен Алматы: жан басына шаққанда тиісінше 259 келі және 253,7 келі. Ең төменгі көрсеткіштер Шымкент пен Қызылорда облысында тіркелді: жылына жан басына шаққанда 138,1 келі және 183,8 келі.
2023 жылдың наурыз қорытындысы бойынша сүт өнімдері бір жылда 29,1% қымбаттады. Баға ең көп Маңғыстау облысында өсті: 41,8%. Одан кейінгі орындарда Қызылорда облысы (33,7%) және Астана (32,4%). Ең аз Ақмола (22,9%) және Ұлытау (25,1%) облыстарында, сондай-ақ Алматыда (25,2%) қымбаттады.
Салыстыру үшін: өткен жылдың наурыз айында сүт өнімдері бір жылда 11,8%, 2021 жылғы наурызда — 8,2%, 2020 жылғы наурызда — 7,7% қымбаттады.
