Нұр-Сұлтан, BAQ.KZ. Қазақстан Республикасы Сауда және интеграция министрі Бақыт Сұлтанов биылғы жылдың ауыр болғанына қарамастан сауда саласында жақсы ілгерлеушілікпен өткенін айтты. Бұл туралы министр өзінің әлеуметтік желідегі парақшасында жазды.
Былғы қиын жылдың нәтижелерін алдына ала қорытындылауды жалғастырудамыз. Бүгін Алматы облысының өндірушілері, сатушылары, экспорттаушылары мен үкіметтік емес секторымен кездестім. Көптеген сұрақтар мен өтініштерді естідім. Жасайтын жұмыс жетерлік. Біз техникалық реттеуді жетілдіру туралы әңгіме қозғаған болатынбыз. Бұл сала- көптеген экономикалық процестердің негізі болып табылады. Кәсіпкерлер жаңа заңның күшіне енуін, ең алдымен контрафактілік өнімдерді нарықтан жедел шығаруды күтуде. Талдықорғада құрылыс материалдарын өндірушілері сапасыз цемент (негізінен импорттық) үстемдігіне шағымданып, бізге жүгінді. Цементке ұлттық сәйкестік сертификаты енгізілгеннен кейін, импорт көлемі 3 есеге, ал сертификатталмаған цемент нарықта 95% -ға төмендеді. Бірақ әлі атқаратын жұмыс көп. "Сапасыз" цемент дегеніміз: сапасыз құрылыс материалдары, сапасы нашар үйлер мен жолдар. Бұл дегеніміз азаматтардың өміріне тікелей қауіп төндіру. Сондықтан біз Цемент және бетон өндірушілер қауымдастығымен бірге нарықтың тазалығы үшін жұмыс істеуді жалғастырамыз - деді ол.
Кез-келген контрафактілік өнім бизнес үшін апатты. Сондықтан зертхананы құруға, сертификаттауға және сапалы тауарларды шығаруға қаражат салатын адал өндіруші мен принтерде сертификаттарды басып, қалай болса солай сататын өндірушілерді салыстыруға келмейді.
Сонымен бірге, жосықсыз бәсекелестік, соңына келгенде, тұтынушылардың өмірі мен денсаулығына қауіп төндіреді. Сондықтан біз нарығымызға сапасыз тауарлардың енуіне тосқауыл қоя отырып, тұтынушылардың құқықтарын қорғау жүйесін де жаңа деңгейге көтереміз. Бизнестің өзі тұтынушыға бағытталатын болады. Яғни, тауарлар мен қызметтердің жоғары сапасы мен қауіпсіздігін бірінші орынға қойылады. Өйткені, бұл кез-келген мемлекеттің тұтынушыларды қорғау мақсатында қойылатын шарты. Сондықтан біз бақылау жүйесі арқылы кәсіпкерлерді аңду емес , сапасыз өнім шығаруға немесе импорттауға деген жосықсыз кәсіпкерлердің ұмтылысын шектеу керек деп айтамыз. Тұтынушыларды да үйретіп, қорғауымыз керек - дейді министр.
Бұл саладағы Үкіметтік емес ұйымдар қазір мемлекеттің қаржыландырумен көмегіне үміттенеді.
Міне, Талдықорғанда да маған осындай өтінішпен жүгінді. Тұтынушылардың құқықтарын қорғау саласындағы үкіметтік емес секторға мемлекеттік қолдауды қалай қамтамасыз етуге болатынын ойластыратын боламыз. Ойымызға келген варианттың бірі-осындай ұйымдардың бірыңғай қауымдастығы арқылы бұл мәселені шешуге болады . Мен бұл туралы кезінде айтқан болатынмын. Бизнеспен кездесу-біз үшін әрқашан практикалық міндет. Бүгін, мысалы, Мен «Халал» стандарттарына сәйкестікті бағалау саласындағы ұйымдарды аккредиттеуде проблемалар бар екенін білдім (стандарттар шілде айында күшіне енді, мен олар туралы жеке пост жазамын). Халал стандарттарын бақылайтын мамандар сарапшы-аудитор аттестатын алуы керек, ал қазіргі жағдайда міндетті практикалық тағылымдамадан өту мүмкін емес. Техникалық реттеу және метрология комитетіне мәселені шұғыл пысықтауды тапсырдым - дейді Бақыт Сұлтанов.
Оның сөзіне қарағанда, жалпы, артық талаптар жаңа бағыттардың дамуына кедергі болмас үшін Нормативтік құқықтық актілер тексеріледі.
Бүгін "Қайнар" зауытында да болдым. Бұл экспорттың кең географиясы бар аккумулятор өндірушісі. Кәсіпорын экспорттаушылардың мемлекеттік қолдау құралдарын пайдаланады. Пандемия кесірінен кәсіпорынның экспорт көлемі төмендеді. Келесі жылы дағдарысқа дейінгі көлемдерді қайтару және оларды ұлғайту үшін бірлесіп жұмыс істейтін боламыз. Әрине, өңір басшылығымен әлеуметтік маңызы бар азық-түлік бағасының жағдайы да талқыланды. Облыс бағаның өсуін тежеп және негізсіз бағаның өсуіне жол бермейді. Айтпақшы, жергілікті "Магнум" сөрелерінде мен жергілікті, алматылық өндірушілердің көптеген өнімдерін көрдім. Әсіресе «сүт өнімдері» (сүзбе, ірімшік, құрт). Нұр-Сұлтанда аталған өнімдер сатылмайды, егер біз аймақаралық ағынды орнататын болсақ, әлбетте, дүкен сөресінде пайда болады. Көтерме-тарату орталықтары желісі туралы жақында жазғанмын - деді ол.
