Мемлекет басшысының бастамасымен «Таза Қазақстан» республикалық экологиялық бағдарламасы аясында Солтүстік Қазақстан облысында бірқатар іс-шаралар жалғасуда, деп хабарлайды BAQ.KZ.
Петропавл қаласында «Аймақта «Таза Қазақстан» бағдарламасын дамыту тақырыбы аясында конференциясы өткізілді. Экология – проблемалар мен шешу жолдары». Шараны облыстық жастар ресурстық орталығымен бірлесіп СҚО волонтерлік фронт-офисінің белсенділері ұйымдастырды.
Конференцияда СҚО экология департаментінің өкілі, «AMANAT» партиясының «Болашақ» филиалының атқарушы хатшысы Александр Зель, ҚХА мүшесі, қалалық мәслихат депутаты Сәлімхан Сәбитов сөз сөйледі.
Іс-шара жастардың мәдени және экологиялық дамуына, өскелең ұрпақ арасында құндылықтарды сақтауға бағытталған. Конференцияға елуден астам колледж студенттері, еріктілер, Солтүстік Қазақстан облысының жастары қатысты.
Президенттің бастамасын қолдай отырып, біз табиғатқа белсенді қамқорлық жасаймыз және басқаларды экологиялық бастамаларға тартамыз. Біздің акцияларды ұйымдастыруға деген жігеріміз бен креативті көзқарасымыз барлық жастарды шабыттандырып, қоршаған ортаға деген қамқорлықтарын арттырып, одан әрі қызықты екенін көрсетіп келеді. Акцияларға қатыстырудан бөлек, адамдарға экологиялық сана мен жауапкершілікті тәрбиелеу маңызды. Қаланың, ауылдың және жалпы елдің тазалығы - бұл тұрақты жұмыс және оған әрқайсымыз өз үлесімізді қоса аламыз. Қозғалысымыз кеңейіп, қолдаушылар саны ұлғаятынына, табиғатты қорғау идеясының ұрпақтан ұрпаққа жалғасады деп үміттенеміз, - деді «Көмек қасымызда» еріктілер қозғалысының үйлестірушісі Айсұлу Бекимова.
Эко-акция жастар арасында азаматтық жауапкершілік пен экологиялық мәдениетті қалыптастыру, сондай-ақ экологиялық бастамаларды қолдау және оларды жүзеге асыру үшін жағдай жасау мақсатында өткізілді.
Акция басталғаннан бері 155,8 мыңға жуық солтүстік қазақстандық аумақтарды тазартуға шықты. Жағалау аймақтары тазаланып, ағаштар отырғызылды. Барлығы 211 сквер мен саябақ абаттандырылды, 156,4 мың тонна қоқыс шығарылды, 32,5 мыңнан астам ағаш және 3,2 мыңнан астам бұта отырғызылды.
«Таза Қазақстан» республикалық бағдарламасы өңір тұрғындарын экологиялық бастамаларға тартып, облыс тұрғындарының арасында экологиялық әдеттерді қалыптастырады, қоршаған ортаға ұқыпты қарау деңгейін арттырады.
