СҚО ПД криминалдық полиция басқармасының жедел қызметкерлері әлеуметтік желілерге арналған бейнеролик дайындады, онда облыс тұрғындарын алаяқтықтың жоғары технологиялық тәсілдері туралы ескертті, деп хабарлайды BAQ.KZ Polisia.kz-ке сілтеме жасап.
Қазіргі заманғы қылмыскерлер нейрондық желілердің мүмкіндіктерін игеруде. Жасанды интеллекттің көмегімен олар кез-келген адамның бейнесі мен дауысын бастапқы бейнеге қабаттастыра алады. Бұл әдіс “дипфейк” деп аталады.
Алынған жалған бейне немесе аудиожазбаны қылмыскерлер жәбірленушінің туыстары мен таныстарына жолдай алады. Жақын адамыңыздан осындай хабарламаны алғаннан кейін, олармен байланысып, ақпаратты қайта тексеріңіз. Сондай-ақ күмәнді сілтемелерден өтпеу маңызды-мысалы, алаяқтар конкурсқа дауыс беру туралы ұсыныстарды жиі жібереді, - делінген ақпаратта.
Фишингтік сілтемені басқан кезде телефон вирус жұқтырады, ол құрылғыдан қылмыскерлерге дипфейк жасау үшін қажет барлық ақпаратты, соның ішінде фотосуреттерді, бейнелерді және қоңырауларды жазуды жинайды.
Ролик интернет-алаяқтықпен күреске бағытталған “Аnti fraud” жедел-алдын алу іс-шарасының бірінші күні облыстық полиция департаментінің аккаунттарында әлеуметтік желілерде іске қосылды.
