Астана, BAQ.KZ. Өскемен әкімдігі «Қысқы Өскемен» тақырыбына фотобайқау жариялады. Бұл туралы altaynews.kz сайты хабарлайды.
«Әуесқойлар мен кәсіби мамандарды «Қысқы Өскемен» фотоконкурсына қатысуға шақырамыз. Байқау 14-21 ақпан аралығында өтеді. Қорытындысы 22 ақпанда жарияланады», - деді баспасөз хатшысы Әлібек Тұрсымбетов.
Байқаудың талаптары мынадай:
Фотосуреттің аты жазылған жұмыстарды akimatyk@gmail.com электрондық поштасына жіберу керек;
Фотосуреттер қысқы Өскеменнің тақырыбын ашуы керек;
Файлдың форматы: JPEG;
Файл мөлшері: 4 Мб кем емес.
Жеңімпазға 50 мың теңгенің сертификаты табысталады.
Бір ескертерлігі, фотосуреттерді пайдалану құқығы конкурсты ұйымдастырушыларға өтеді.
