Сириядағы су тасқыны: 700-ге жуық үй су астында қалды

Сирияның Хасека провинциясында нөсерлі жаңбыр салдарынан болған су тасқыны нәтижесінде шамамен 700 үй су астында қалды. Бұл туралы BAQ.KZ Anadolu Ajansı-ға сілтеме жасап хабарлайды.

Anadolu Ajansı мәліметінше, Хасекада толассыз жауған жаңбырдан кейін су тасқыны орын алған.

Қала орталығындағы бес ауданда 700-ге жуық тұрғын үй зардап шеккен.

Қазіргі уақытта Сирияның азаматтық қорғаныс қызметтері су басқан аймақтарда жұмыстарын жалғастыруда.

Айта кетейік, бұған дейін Тынық мұхитының экваторлық бөлігіндегі су бетінің жылынуына себеп болатын Эль-Ниньо құбылысы 2026 жылдың соңына қарай қалыптасуы мүмкін екені хабарланған. Мамандар оның салдары ретінде әлемнің әртүрлі өңірлерінде су тасқыны, құрғақшылық және рекордтық ыстықтар болуы мүмкін екенін ескертеді.