Нұр-Сұлтан, BAQ.KZ. Шымкент қаласы төтенше жағдай жөніндегі штабы өңірдегі "COVID-19" инфекциясын жұқтырған 7 науқас туралы хабарлады.
Ауру жұқтырғандар 1996ж, 1972ж, 1983ж, 1973ж, 1994ж, 1986ж, 1990 жылғы Шымкент қаласының тұрғындары. Олар коронавирустық инфекция жұқтырған адаммен қарым-қатынаста болуына байланысты карантиндік стационарға жатқызылып, зертханалық сынама алынған.ПТР диагностикалық зерттеу қорытындысымен COVID-19 диагнозы нақтыланды.
Қазіргі таңда науқастардың жағдайлары қанағаттанарлық. Бекітілген хаттамаға сәйкес тиісті ем жүргізілуде.
Науқастармен қарым-қатынаста болған адамдар анықталып, барлығы медициналық бақылауға алынуда.
Ауру ошақтарында эпидзерттеу жұмыстары, дезинфекциялық жұмыстар жүргізілуде.
20.04.2020 жылы жағдай бойынша қалада COVID-19 коронавирустық инфекцияға шалдыққан 90 адам анықталды.
