Шымкентте қаланың бас шыршасыың шамы жағылды. Бірақ сол сәтте-ақ жаңа жыл символы өртенді, деп хабарлайды BAQ.KZ.
Куәгерлердің айтуынша, шырша шамы санаулы минут жағылып, кейін оқиға орнынан келген төтеншеліктер өртті сөндірді. Дегенмен бұл тұрғындар мен қонақтарды шошыта қоймаған сияқты. Себебі Астана алаңына жиналған жұртшылық тарқаған жоқ.
Айта кетейік, Шымкентте биыл бас шыршаның шамын жағу рәсімі ерекше ұйымдастырылған. Бұл күні шымкенттіктер түрлі шоуларға куә болды. Әкімдік мәліметінше, елімізде бұрын-соңды болмаған лазер шоу ұйымдастырылды.
