Шымкент жылу энергоорталығы жөндеуден өтеді

Биыл Шымкент жылу энергия орталығын жөндеуге 1 миллиард 255 миллион теңге бөлінді. Инвестор есебінен қос турбогенератор, үш жылу қазандығы жаңғыртылады, деп хабарлайды BAQ.KZ.

Қыстың күні шаһардың 75 пайызын ыстық сумен қамтитын стратегиялық нысанға жоспарлы жөндеу кезең-кезеңімен жүргізіліп жатыр. Алайда 40 жылдан бері жұмыс істеп тұрған қондырғылардың 59 пайызы тозып тұр.

Энергетика министрлігі орталықты қызыл тізімге қосып, жаңғырту жобасын кестеге сай, мұқият жүзеге асыруды тапсырды.