Аталған аялдама "Нұрсат" тұрғын алабы №4542 ғимараты жанында, адамдар көп шоғырланған жерде орнатылды, деп хабарлайды BAQ.KZ.
Аялдамада М.Ғабдуллин атындағы азаматтық қорғау академиясына оқуға түсудің негізгі талаптары көрсетілген. Қауіпсіздік ережелері бейнеленген жадынамалық ақпараттар да бар. Жадынамаларда судағы қауіпсіздік, өрт және жер сілкінісі кезіндегі қауіпсіздік ережелері мен нұсқаулықтар көрсетілген.
Аялдамада тұрғындарға өрттің алдын алу шараларын қалай жүргізу керектігі көрсетілген. Негізгі мақсат - құтқарушы мамандығын дәріптеу және тұрғындарды өрт қауіпсіздігі шараларын сақтауға шақыру, - деп атап өтті Шымкент қаласы ТЖД бастығының орынбасары Ж.Джабаев.
Аталмыш "Құтқарушылар" тақырыптық аялдама тұрғындардың қауіпсіздік мәдениетін арттыруды, ақпараттық көмек ретінде де зор мүмкіндік туғызады. Өйткені оның ішінде су айдындарында шомылу кезіндегі, өрт қауіпсіздігі, табиғи және техногендік сипаттағы қауіпсіздік шараларының алдын алу бойынша жадынамалар, сондай-ақ төтенше жағдай туындаған жағдайда шұғыл нөмірлер жазылған ақпараттарға толы.
