Шығыс Қазақстан облысының ауыл шаруашылығы басқармасының мәліметінше, 2024 жылы иелері халықтың әлеуметтік осал топтарына жататын үй жануарларына чип салуға 2 050 000 теңге бөлінген. Бұл қаражатқа 1990 үй жануарына микрочип салу жоспарлануда. Бұл туралы BAQ.KZ yk-news.kz мәліметіне сүйеніп хабарлайды.
Чиптер тегін сәйкестендіру қызметтеріне сұраныс негізінде аймақтар арасында таратылады. Мәселен, Өскеменде 1200, басқа қалалар мен аудандарда 50-ден 110-ға дейін үй жануарларына чип салынбақ.
Сұраныс негізінен үлкен елді мекендерде бар, – деп жазылған хабарламада.
Айта кетейік, 2023 жылы облыста 1290 үй жануарларына жеңілдікпен микрочип салынған. Бұл мемлекетке 1 329 000 теңге шығын әкелді. Бір процедураның орташа құны – 1030 теңге.
