Зайсан ауданының Жаңатұрмыс ауылының жалпы білім беру мектебіне «Starlink» спутниктік ғаламторы орнатылып, іске қосылды, деп хабарлайды BAQ.KZ Шығыс Қазақстан облысының әкімдігіне сілтеме жасап.
Зайсан ауданынан бөлек Үлкен Нарын ауданы Сенное ауылында "Starlink" ғаламтор желісі іске қосылған болатын.
Биыл аймақтың жүзден астам мектебіне аталмыш желі орнатылуы жоспарланған.
"Starlink" қазірде сапасы жағынан алда тұрған желілердің бірі. Оның жылдамдығы 120 мбит/с және одан жоғары болуы мүмкін. Сондай-ақ, оның іске қосу жолы да жылдам.
"Starlink" спутниктік технологияларын қолдануға берілген координат бойынша "Республикалық ғарыштық байланыс орталығы" АҚ-мен шарт шеңберінде Қазақстан Республикасының Білім беру ұйымдарын кең жолақты қолжетімділік қызметтерімен қамтамасыз ету үшін ғана рұқсат етіледі.
Сондықтан байланыстың бұл түрін тек білім беру мекемелері ғана қолдана алады.
