Шығыс Қазақстан облысының Қатонқарағай ауданында бүгін ірі қар көшкіні жүріп, республикалық тас жолды толығымен жауып тастады, деп хабарлайды BAQ.KZ.
"Қазселденқорғау" ММ ақпараты бойынша 21 ақпанда Катонқарағай ауданында шамамен 8 сағат 40 минут, "Өскемен-Рахман қайнары" республикалық маңызы бар автожолында 436 шақырым жерде қардың көп түсуіне байланысты жалпы көлемі 7600 текше м қар көшкіні жүрді, - деп хабарлайды ШҚО ТЖД баспасөз қызметі.
Зардап шеккендер мен қиратулар жоқ. Қар көшкіні жолды толығымен жауып тастады. Жол қызметтері тазалау жұмыстарын жүргізіп жатыр.
Қазавтожолдың мәліметінше, республикалық маңызы бар "Өскемен – Рахман қайнары" автожолының 436 шақырымында көлік қозғалысы кешке қарай қайта жанданады.
Оқи отырыңыз:
