Шығыс өңірінде бірқатар мектеп бірінші ауысымда онлайн форматта оқытады, деп хабарлайды BAQ.KZ Altaynews.kz-ке сілтеме жасап.
Облыстық білім басқармасының ақпараты бойынша Күршім ауданындағы Қайыңды, Сарыөлең, Алғабас, Құйған, Қойтас және №1,3,4,5 Күршім орта мектептерінің 0-11 сынып, Қыстау-Күршім, Қалжыр, Бурабай,Үшбұлақ,Теректібұлақ, Қайнарлы, Төсқайың, Қарашілік, Қарой орта мектептерінің 0-4 сынып оқушылары қашықтықтан оқиды.
Сондай-ақ Шемонаиха, Алтай, Самар аудандарында бірқатар білім мекемесі онлайн форматқа ауысты.
Ал Тарбағатайда 12 мектептің 0-11 сынып оқушылары білім мекемесіне бармайды.
Катонқарағай ауданында 9 мектеп онлайн оқытады.
