Нұр-Сұлтан, BAQ.KZ. Шығыс Қазақстан облысында өрт қаупі күшейген маусым аяқталды. Бұл туралы облыстық орман шаруашылығы және жануарлар дүниесі аумақтық инспекциясы мәлімдеді.
Биыл өңірде 271 орман өрті тіркелді. Табиғатқа келтірілген шығын 1,8 миллиард теңгеден асып кетті.
Өңірде жалпы ауданы 4699,01 гектар орман алқабы өртенді. «Семей орманы» мемлекеттік орман табиғи резерватының аумағында 171 өрт шықты, – деп мәлімдеді инспекция.
