Ішкі істер министрлігі көші-қон қызметі комитетінің төрағасы Аслан Аталықовтың мәліметінше, Қазақстанда шетелдіктерге заңсыз берілген ЖСН-дердің (ИИН) күші жойылды, деп хабарлайды BAQ.KZ.
Біз заң талаптарын бұза отырып берілген ЖСН-дерді (жеке сәйкестендіру нөмірлері) жойдық. Қазір бұл іс бойынша тергеу жүргізіліп жатыр. Алайда тергеу барысына байланысты егжей-тегжейлі ақпарат бере алмаймыз – бұл іспен ІІМ-нің тергеу департаменті айналысуда. Тергеу аяқталған соң қосымша ақпарат беріледі, – деді Аталықов брифингте.
Нақты қанша ЖСН жойылғаны айтылмады. Қазіргі уақытта нақты күдіктілер анықталған жоқ, тексеру шаралары жалғасуда.
Шетел азаматтарын тіркеу – бір жүйеге біріктіріледі. Сонымен қатар, Қазақстанда Migration.enbek.kz атты жаңа онлайн-портал жасалды. Бұл жүйе елге келген шетел азаматтарын тіркеуді бір базаға біріктіруге; олардың елде болу мақсатына қарамастан есебін жүргізуге; және көші-қон ағынын бақылауға мүмкіндік береді.
2024 жылы бұл жүйеге 15 мың қызмет жүктелген. 2025 жылы қосымша **3 жаңа қызмет іске қосылмақ.
Бұл шаралар көші-қон қозғалысын тіркеу бойынша бірыңғай «бір терезе» қағидаты негізінде жұмыс істейтін ақпараттық жүйе құруды көздейді. Жалпы, көші-қон саласындағы жұмыс Еңбек және халықты әлеуметтік қорғау министрлігінің тұрақты бақылауында, – деді вице-министр Асқарбек Ертаев.
1
0
0
0
0
