Шешенстан басшысы Рамзан Қадыров Түркиядағы Бодрум қаласында демалу кезінде суға батып кете жаздады. Бұл туралы BAQ.KZ Haberler басылымына сілтеме жасап хабарлады.
Оқиға түстен кейін Бодрумның Қайнар ауданындағы бес жұлдызды қонақүй жағалауында болған. Куәгерлердің айтуынша, Қадыров шомылып жүрген кезінде кенеттен қиналып, суға бата бастаған.
Оған дереу алғашқы көмек көрсетіліп, жедел жәрдем шақырылды. Кейін ол жеке ауруханаға жеткізіліп, дәрігерлер бақылауына алынды.
Дереккөздер Қадыровтың жағдайын «тұрақты» деп бағалап отыр. Қазіргі уақытта оның өміріне қауіп жоқ екені хабарланды.
