Шарын мемлекеттік ұлттық табиғи паркінде орналасқан Сартоғай аумағында фототұзақтар жабайы қабан мен елікті түсіріп алды, деп хабарлайды Алматыдағы BAQ.KZ тілшісі.
Жануарлардың фототұзаққа ілігуі бұл аймақтың табиғатының байлығы мен алуан түрлілігін растайды.
Шарын ұлттық паркі Қазақстанның табиғатты қорғау аумақтары арасында ерекше орын алады. Фототұзақтарды қолдану арқылы тұрақты мониторинг жүргізу жануарлар әлемінің өкілдерін анықтауға, экожүйенің жағдайын бағалауға және табиғатты қорғау шараларын жоспарлауға мүмкіндік береді. Бұл бақылаулар ұлттық парктің жануарлар үшін маңызды тіршілік ортасы екенін дәлелдейді. Біз биоәртүрлілікті сақтау және зерттеу бойынша жұмыстарымызды жалғастырамыз, - деді Шарын мемлекеттік ұлттық табиғи паркінің баспасөз қызметі.
