Түркістан облысы бойынша «Қазсушар» филиалы Шардара ауданындағы 2Р-1 каналының сол жақ дамбасында пайда болған ақауды дер кезінде анықтады, деп хабарлайды BAQ.KZ.
Бұл туралы Су ресурстары және ирригация министрлігі мәлім етті.
Түркістан облысы бойынша «Қазсушар» филиалы Шардара ауданындағы 2Р-1 каналының сол жақ дамбасында пайда болған ақауды дер кезінде анықтады. Осының арқасында канал дамбасын қайта қалпына келтіру үшін шұғыл түрде техникалар жұмылдырылып, апаттық жағдайдың алдын алды. Бүгінгі таңда канал қалыпты жағдайда жұмыс істеп тұр, - делінген ведомство хабарламасында.
