Астана, BAQ.KZ. ШҚО-да Аңсар Алипиновты еске алуға арналған шаңғы жарысынан турнир өтеді. Бұл туралы altaynews.kz сайты хабарлайды.
Аңсар Алипиновты өткен жылдың 18 желтоқсанында Риддер қаласында көлік қағып кеткен еді. Алған ауыр жарақаттардың салдарынан 9 жастағы бала бір күннен кейін ауруханада көз жұмды.
Аңсар – бүлдіршін спортшы. Ол талай жарыстың медалін қанжығасына байлап, алда алар биік асуларына ұмтылып келе жатқан жас дарын еді. Бір сәттік оқыс оқиға оның өмірін қиып кетті.
Аңсардың ата-анасы қыршыннан қиылған ұлдарын еске алу ретінде бүлдіршін спортшыларға арасында шаңғы жарысынан турнир өткізбек. Оған 12 жастан кіші спортшылар қатыса алады.
Жарыс 3 ақпан күні Александр Афанасьев атындағы тас жолдың бойындағы Маренин Соколок шоқысында өтеді. Басталу уақыты: сағат 11.00.
Турнирдің ұйымдастырушылары оны жыл сайын өткізуді көздеп отыр.
