Сенатор Андрей Лукин ҰҚШҰ ПА отырысына қатысты

Қазақстан Республикасы Парламенті Сенатының депутаты Андрей Лукин Ұжымдық қауіпсіздік шарт ұйымы Парламенттік Ассамблеясы Саяси мәселелер және халықаралық ынтымақтастық жөніндегі тұрақты комиссия отырысына қатысты, деп хабарлайды BAQ.KZ.

Андрей Лукин ҰҚШҰ-ға мүше мемлекеттерде сайлау процестері мен егемендікті қорғауды қамтамасыз ету саласындағы заңнаманы жетілдіру мәселелерін әріптестерімен талқылады.

Сенатор Ұжымдық қауіпсіздік шарт ұйымы аясында жасалған халықаралық шарттарды ратификациялау барысы туралы ақпаратты тыңдады.

Парламентшілер шара қорытындысы бойынша Ұжымдық қауіпсіздік шарт ұйымы Парламенттік Ассамблеясының 2023 жылға арналған жұмыс жоспарының жобасын талқылады.