Семейде аялдамада автобус өртеніп кетті

Семейде маршруттық автобус өртенді. Төтенше жағдайлар министрлігінің мәліметінше, оқиға соңғы аялдамада болған, деп хабарлайды BAQ.KZ тілшісі.

Бүгін Семей қаласында Холодный ключ ауданындағы Текстильная көшесінде соңғы аялдамада автобус өртенді. Оқиға орнына жеткен кезде автобус толықтай отқа оранған, – деп хабарлады Абай облысының төтенше жағдайлар департаменті.

Өрт 24 шаршы метр аумақта сөндірілді. Абырой болғанда, зардап шеккендер жоқ. Өрттің себебі анықталып жатыр.