Самара - Шымкент тас жолында жүк көліктері қар құрсауында қалды

"Самара-Шымкент" тас жолында қалған ауыр жүк көліктері жолдарды тазартуға кедергі келтіріп тұр, деп хабарлайды BAQ.KZ "Қазавтожолға" сілтеме жасап.

Ал жеңіл автомобильдер үшін Ақтөбе мен Хромтау арасындағы колонна қозғалысы ұйымдастырылды.

"Ақтөбе облысында 2768 жүк көлігі жолда тұр", - дейді "Қазавтожол" баспасөз қызметі.

Бір тәулік ішінде Хромтаудан Ақтөбеге дейін 600-ге жуық жүк көлігі жіберілген.

"Жолдарды жедел тазалау жұмыстары жүріп жатыр. Алайда жүргізушілер жүк көліктерін жолда қалдырғандықтан жол тазалаушылардың жұмысына кедергі келтіріп тұр", - дейді ведомстводағылар.

Жолда 2606 жүк көлік қар құрсауында қалды.

"Ақтөбе облысының уақытымен сағат 15.00-ге дейін "Самара - Шымкент" автомагистралі бойынша жол қозғалысын ашу жоспарланып отыр", - деп хабарлады "Қазавтожол".

Астана уақытымен сағат 17.00-ге дейін Қостанай, Қызылорда, Түркістан облыстарына қозғалыс толық қалпына келтірілетінін айтты.