Нұр-Сұлтан, BAQ.KZ тілшісі.Қаржы министрлігі мемлекеттік кірістер комитеті 2020 жылы бюджетке салықтарды қолма-қол ақшасыз төлеу деңгейін 90 пайызға жеткізуді көздеп отыр. Бұл туралы ҚР ҚМ мемлекеттік кірістер комитеті төрағасының орынбасары Талғат Мамаев айтты.
Оның айтуынша, 2020 жылғы қаңтар айында қаржы министрлігінің мемлекеттік кірістер комитетінің "eSalyq" мобильді қосымшасында "Салық әмияны" қызметі іске қосылған.
Ол көптеген мәліметтерді толтырудың қиындығына байланысты салықтарды дұрыс төлемеу проблемаларын жояды. Қосымшаны App Store және Play Market-тен тегін жүктеуге болады. Салық әмияны қате төлемдер мен негізсіз айыппұлдарды жояды, қайтарымдар мен инкассалық өкімдердің санын азайтады, салық төлеушінің шығындарын уақытында азайтады және банктер үшін комиссиялық шығындарды алып тастайды, - дейді Талғат Мамаев.
Оның айтуынша, жеке тұлғалар мен дара кәсіпкерлерде "салық әмиянын" толтыру арқылы балама салық төлеу мүмкіндігі бар.
Әмияндағы ақша автоматты түрде салық міндеттемелері пайда болған салықтарға есептеледі. Сіз бюджетке ағымдағы және алдағы міндеттемелерді салықтар және мемлекеттік кірістер органдары бөлінісінде қарай аласыз. Мүлік салығы, жер салығы және көлік салығы бойынша салық салу объектілері туралы мәліметтерді көруге болады,- дейді төраға орынбасары.
Жалпы, 2019 жылдың қорытындысы бойынша бюджетке қолма-қол ақшасыз төлемдердің үлесі 80 пайызды құраған. 2020 жылы салықтарды қолма-қол ақшасыз төлеу деңгейін 90 пайызға дейін арттыру жоспарлануда екен.
