Әлеуметтік желіде Шығыс Қазақстан облысы Риддер қаласындағы қорықта өрт шыққаны туралы ақпарат тарады, деп хабарлайды BAQ.KZ.
ШҚО Төтенше жағдайлар департаменті Риддердегі Батыс Алтай қорығында өрт шыққанын растады.
Қызыл жалын 17 маусым күні түстен кейін шыққан. Алдын ала болжам бойынша, от тұтануына найзағай себеп болған.
Өрт Чернушка өзені мен Прямой бұлағы қосылатын орманды алқапта шығып, сол жердегі ағаштар жанған. Қазір тілсіз жаумен күрес жалғасып жатыр. Өрттің жалпы ауданы – 0,3 гектар, - делінген ақпаратта.
