«Ұлттық БАҚ қауымдастығы» БҰҰ төрағасы Кемелбек Ойшыбаев телеарналардың 2022 жылғы рейтингтерін жариялады, деп хабарлайды BAQ.KZ.
Қаңтар айының телеөнімдерінің медиа өлшеуі бойынша қорытынды рейтингтерін сараптап шықтық. Жалпы телеарналардың рейтингтегі орындарын 2022 жылдың қорытындысымен салыстырғанда өзгеріс жоқ. Ескерте кететіні, бұл рейтинг ірі қалаларда өлшенеді, 6 және одан жоғары жастағы адамдардың медиа қалауын зерттейді, - деді ол.
Кемелбек Ойшыбаевтың айтуынша, бағдарламалармен сериал және фильмердің рейтингтерін қарағанда түрлі, қызықты нәтижелер көруге болады. Ақпараттық сараптамалық бағдарламалардың арасында бірінші орынға бұрыннан көрерменнің көңілін аулаған КТК телеарнасының белгілі бағдарламасы «Портрет недели» орналасқан. Екінші орында 31 арнаның «Сөздің шыны керек» бағдарламасы, ал «Евразия» арнасының «Елім-Ай» атты арнайы репортажы үшінші орынға іліккен.
10 үздік танымдық бағдарламалардың арасында Қазақстан телеарнасының басымдығы айқын, ұлттық арнаның алты бағдарламасы үздіктердің қатарында. Олардың басында «1001 түн» және «Ауылдастар» бағдарламалары көш бастап келеді. Отандық сериалдардың басындада көрерменнің көңілін айрықша аулаған Қазақстан телеарнасының «Ақжауын-2», «Сезім толқыны» және «Әлкей. Ғұлама ғұмыр» атты сериалдары орналасқан. Сонымен қатар Хабар арнасында хит болып, жылдан жылға жалғасып келе жатқан «Келінжан», «Келінжан-2» «Келінжан-3» сериалдары үздіктердің арасынан үш орын алған, - деп жазды Ұлттық БАҚ қауымдастығы басшысы.
Ал көркем фильмдердің рейтингісі Хабар арнасында көрсетілген «Бизнес по казахски в Корее» атты фильмімен басталады. Екінші орынға былтыр кинотеатрларды шулатқан, аңызға айналған «Дос-Мұқасан» музыкалық тобы туралы жасалған фильмі жайғасқан, ал үшінші орында Қазақстан арнасында көрсетілген «Айка» фильмі орналасқан.
