Республикалық маңызы бар автомобиль жолдарындағы жағдай қандай

ҚазАвтожол республикалық маңызы бар автомобиль жолдарындағы су тасқыны туралы ақпаратты жариялады, деп хабарлайды BAQ.KZ.

8 сәуірдегі сағат 12:00-дегі жағдай бойынша халықаралық және республикалық маңызы бар автомобиль жолдарында ауа райының жылынуы мен қардың тез еруі салдарынан 3 облыста (Атырау, СҚО, Қостанай) 7 жол жүру учаскесінде жалпы ұзындығы 3130 метр болатын су тасқыны болды.

6 облыстағы (Ақтөбе, Ақмола, Атырау, Қостанай, Маңғыстау, СҚО) республикалық маңызы бар 13 автомобиль жолдарында (ұзындығы 673 км) қозғалысқа шектеу қойылды.

Қазіргі таңда республикалық жолдарда 305 техника мен 357 адам жұмылдырылған.