Ресейдің қиыр шығысында қалың қар түсті, деп хабарлайды BAQ.KZ 24kz-ке сілтеме жасап.
Осыған байланысты Благовещенск қаласында төтенше жағдай жарияланған. Коммуналдық қызмет табиғаттың тосын мінезіне дайын болмай шықты. Оларға мемлекеттік қызметкерлер, тұрғындар, студенттер мен еріктілер көмекке келген.
Ақ ұлпа кейінгі 3 күн бойы тоқтамай жауды. Жергілікті метеорологтардың мәліметі бойынша қардың мұншама қалың жаууы 97 жылда алғаш рет болып тұр. Благовещенск билігі әуежайдағы рейстерді кейінге шегеріп, қалааралық автобустарды тоқтатты.
